Ժամանակավորապես կդադարեցվի Գարեգին Նժդեհ և Մանթաշյան փողոցների խաչմերուկից մինչև Գարեգին Նժդեհի հրապարակ հատվածի երթևեկությունը

Երևանի քաղաքապետարանից տեղեկացնում են, որ Շենգավիթ վարչական շրջանում Ամանորի ձևավորման աշխատանքներով պայմանավորված՝ դեկտեմբերի 12-ին, ժամը 22:00-ից մինչև դեկտեմբերի 13-ի ժամը 05:00-ն, ժամանակավորապես կդադարեցվի Գարեգին Նժդեհ և Մանթաշյան փողոցների խաչմերուկից մինչև Գարեգին Նժդեհի անվան հրապարակ հատվածի երթևեկությունը:

Պատճառվող ժամանակավոր անհարմարությունների համար քաղաքապետարանից հայցում են բնակիչների ներողամտությունը: