Արդեն մի քանի ամիս է` ձևավորվել է տրանսպորտի սակագնի վերանայման համար հանձնաժողովը, որն ընդամենը գումարել է մի քանի նիստ, ու վերջ: Հայտարարվել էր, որ ուսումնասիրվում է ուղևորահոսքերի ծավալը` միջազգային մի շարք կառույցների հետ համատեղ:
Սպառողների միության ղեկավար Արմեն Պողոսյանից armlur.am-ը պարզեց` ինչով է զբաղված հանձնաժողովը:
«Երեք նիստ է ընդամենը եղել, երեքից էլ բավարարված չեմ»,- անկեղծացավ Պողոսյանը` հավելելով, որ հանձնաժողովն արդյունավետ չի աշխատում:
Պրն. Պողոսյանը դեռ երկմտում է` լքել հանձնաժողովը, թե` ոչ: Ե’վ դուրս գալն է ճիշտ, և’ դուրս չգալը: «Մասնակցելը ճիշտ է, քանի որ ինտելեկտի ու փաստերի պայքար է գնում»,- հիմնավորեց Արմեն Պողոսյանը` հիշեցնելով ևս մի անգամ իր նեղացած լինելը քաղաքապետարանից: «Պատվավոր քաղաքացու կոչում են տալիս մի մարդու, որին կոչում տալն ապտակ է մեր հանրությանը»,- վրդովված ասաց Պողոսյանը` ակնարկելով Լևոն Իգիթյանի` պատվավոր կոչում ստանալը:
.gif)
