Ադրբեջանի արտգործնախարար Ջեյհուն Բայրամովը Բաքվի համար անընդունելի է համարել հայ-ադրբեջանական սահմանից զորքերը դուրս բերելու Երեւանի առաջարկը։
«Ադրբեջանի և Հայաստանի միջև սահմանը սահմանազատված չէ։ Նման պայմաններում, եթե դուք դուրս բերեք զորքերը, որտե՞ղ են երաշխիքները, որ այդ դիրքերը չի զբաղեցնի մյուս կողմը։ Հայկական այս առաջարկն անընդունելի է Ադրբեջանի համար»,- ասել է Բայրամովը՝ թուրք գործընկեր Հաքան Ֆիդանի հետ համատեղ ասուլիսում։
Նրա խոսքով, այսօր ադրբեջանական զինուժը գտնվում է իր տարածքում՝ պաշտպանելով Ադրբեջանի սահմանները։
«Մեր դիրքորոշումն այն է, որ Ադրբեջանի սահմանները պետք է պաշտպանվեն բացառապես ադրբեջանցի զինվորականների կողմից։ Սա մեր ինքնիշխան իրավունքն է։ Կոչ ենք անում Հայաստանին կառուցողական արձագանքել մեր առաջարկին։ Այս դեպքում իրավիճակը կարող է զարգանալ դրական ուղղությամբ»,- ասել է նա։
.gif)
