Սերբիայում արտահերթ խորհրդարանական ընտրություններ են

Սերբիայում արտահերթ խորհրդարանական ընտրություններ են անցկացվում: Ընտրատեղամասերը բացվել են տեղական ժամանակով ժամը 07:00-ին և կփակվեն 20:00-ին, գրում է սերբական Danas հրատարակությունը:

Ընտրություններին կարող է մասնակցել ավելի քան 6,5 մլն ընտրող։ Քաղաքացիներին խնդրում են ընտրել Ժողովրդական ժողովի (Սերբիայի խորհրդարան) 250 պատգամավոր։ Մանդատների համար պայքարում են 18 ցուցակներից 2817 թեկնածու։

Սերբերը հնարավորություն ունեն քվեարկելու 8273 ընտրատեղամասերում, որոնցից 29-ը գտնվում են բանտերում, եւս 81-ը՝ արտերկրում։

2023 թվականին Սերբիայի գործող նախագահ Ալեքսանդր Վուչիչի Սերբական առաջադիմական կուսակցությունը բախվեց ընդդիմության քննադատությանն ու աճող ճնշմանը այն բանից հետո, երբ հասարակական վայրերում երկու զանգվածային կրակոցներ առաջացրին հասարակության վրդովմունքը և լայնածավալ բողոքները: Արդյունքում Վուչիչը հայտարարեց, որ մինչև տարեվերջ երկրում արտահերթ ընտրություններ կանցկացվեն։