«Հայ ժողովդրին օդ ու ջրի պես անհրաժեշտ են արդար ընտրություններ, որպեսզի պայքարի և՛ ներսում և՛ դրսում, դիմակայի մարտահրավերներին», ԱԺ ճեպազրույցների ժամանակ ասաց ՀԱԿ խմբակցության պատգամավոր Արամ Մանուկյանը:
Ինչ վերաբերում է ՀԱԿ-ԲՀԿ համագործակցությանը, պատգամավորի խոսքով` ինքն ուզում է ունենալ կողմնակիցներ, որպեսզի երկիրն այս վիճակից հանի:
«Մենք որևէ մեկի միսն ուտել չենք ցանկանում»,-ասաց Մանուկյանը:
Պրն. Մանուկյանի խոսքով` կան ՀՀԿ-ականներ, որոնք հոգու խորքում կողմնակից են ընդդիմության այս քննադատություններին, պարզապես լուրջ ճնշման տակ են և չեն կարող քվեարկել այդպես: Բայց համոզված է, որ կգա մի պահ, որ շատ ՀՀԿ-ականներ չեն կատարի Բաղրամյան 26-ի հրահանգները, քանի որ թուլանում է Բաղրամյան 26-ը և ուժեղանում՝ ընդդիմությունը:
Մանուկյանի խոսքով`եթե ՀՀԿ-ն կազմակերպի արդար ընտրություններ, դա կարելի է միայն ողջունել: Պատգամավորի խոսքով` իրենք անձերի դեմ չեն պայքարում, խնդիրը համակարգային փոփոխություններ անելն է՝ լֆիկները դառնան շարքային քաղաքացիներ, արաղը դառնա որակյալ: «Տիգրան Սարգսյանի տեղը, ով էլ լինի, նույնն է անելու»,-ասաց պատգամավորը:
Պատգամավորի խոսքով` իրենց ձեռնտու չէ, որ Հայաստանում մայդան լինի, քանի որ իրենք ունեն ժողովրդի աջակցությունը, և կարող են խաղաղ ձևով լուծել երկրում ծառացած խնդիրները:
ՀԱԿ խմբակցության անդամն ասաց, որ իրենք պահանջում են նաև կառավարության հրաժարականը, քանի որ այն թաթախված է մի շարք հանցագործությունների մեջ: «Միայն օֆշորը բավական է, որ 5 հատ Տիգրան Սարգսյան հրաժարական տա: Իսկ եթե նա հրաժարական տա, դա կլինի Սերժ Սարգսյանի հրաժարականի առաջին քայլը»,- եզրափակեց պրն. Մանուկյանը:
.gif)
