«Այաքսն» առաջին անգամ սիրողական թիմի հետ պայքարում դուրս է մնացել երկրի գավաթի խաղարկությունից

Ամստերդամի «Այաքսը» դուրս է մնացել Նիդերլանդների գավաթի խաղարկությունից՝ 1/16 եզրափակիչում 2:3 հաշվով պարտվելով «Հերկուլեսին»։

«Այաքսը» պատմության մեջ առաջին անգամ երկրի գավաթի խաղարկությունից դուրս է մնում սիրողական թիմի հետ պայքարում, հաղորդում է Opta-ն։ «Հերկուլեսը» հանդես է գալիս Նիդերլանդների չորրորդ դիվիզիոնում։

Մինչ այս «Այասքսը» Նիդերլանդների գավաթի խաղարկություններում 29 անգամ մրցել էր սիրողական թիմերի հետ և միշտ հաղթել էր։