Պապիկյանը հանդիպել է լրատվամիջոցների ներկայացուցիչներին

Դեկտեմբերի 25-ին ՊՆ վարչական համալիրում տեղի է ունեցել պաշտպանության նախարար Սուրեն Պապիկյանի հանդիպումը մի շարք հավատարմագրված, ինչպես նաև 2023 թվականի ընթացքում պաշտպանական ոլորտն առավել ակտիվ լուսաբանած ԶԼՄ ներկայացուցիչների հետ։

Ողջունելով հանդիպման մասնակիցներին՝ նախարար Պապիկյանը համառոտ ներկայացրել է տարվա ընթացքում իրականացված աշխատանքները և պատասխանել ԶԼՄ ներկայացուցիչների՝ պաշտպանական բնագավառին վերաբերող հարցերին։

Հանդիպման ավարտին պաշտպանության նախարար Սուրեն Պապիկյանը ԶԼՄ մի շարք ներկայացուցիչների հանձնել է շնորհակալագրեր և խորհրդանշական նվերներ։