Արդշինբանկը հայտարարել է ամանորյա ավանդական կորպորատիվ միջոցառումներից հրաժարվելու որոշման մասին։ Փոխարենը բանկը հատկացված միջոցներով կօգնի բռնի տեղահանված արցախցի 100 ընտանիքի։
Արդշինբանկը տեղեկացնում է. «Այս տարի տեղի ունեցած իրադարձություններով պայմանավորված՝ բանկը և մեզանից յուրաքանչյուրը հրաժարվում են կորպորատիվ միջոցառումներից և աշխատակիցների ամանորյա նվերներից։ Խնայված միջոցները կուղղվեն Արցախից բռնի տեղահանված 100 ընտանիքի ձմռան հիմնական ծախսերը հոգալուն՝ ներառյալ կոմունալ և բնակարանային ծախսերը»:
Արդշինբանկից նշում են, որ օգնության շահառուները ընտրվել են բանկի հաճախորդների՝ ամենաշատ ֆինանսական աջակցության կարիք ունեցողների ցանկից: Բանկում հատկապես ընդգծել են, որ որոշմանը միաձայն կողմ են եղել բոլոր աշխատակիցները։
Այս նախաձեռնությունը համահունչ է Արդշինբանկի կորպորատիվ սոցիալական պատասխանատվությանը. բանկը շարունակում է հավատարիմ մնալ իր հանձնառությանը` դրական ներդրում ունենալ համայնքների բարեկեցության մեջ:
Բանկը վերահսկվում է ՀՀ Կենտրոնական բանկի կողմից:
.gif)
