Դեկտեմբերի 13-ին, 2020-2023 թվականների գերեվարված Հայաստանի Հանրապետության 31 զինծառայողներ, և սեպտեմբերին Արցախի Հանրապետությունում գերեվարված 1 զինծառայող հատել են հայ-ադրբեջանական սահմանը և գտնվում են Հայաստանում: Հայրենադարձված գերիների թվում էր նաև 44-օրյա պատերազմից հետո Հադրութի շրջանում գերեվարված Վահագն Էդիկի Բահրիկյանը:
Վահագն Բահրիկյանի դատավարությունն ընթացել էր Բաքվի վերաքննիչ դատարանում, որտեղ նրան մեղադրանք էր առաջադրվել Ադրբեջանի քրեական օրենսգրքի 214, 228, 279, 318 հոդվածներով և դատապարտվել 6 տարի ազատազրկման: Հոդվածների համաձայն՝ նա մեղադրվել էր «ահաբեկչության և դիվերսիայի համար»: Ըստ դատավորի կայացրած որոշման՝ Վահագնը և նրա հետ դատապարտվածները պատիժը կրելուց հետո պետք է լքեին Ադրբեջանի տարածքը:
Վահագն Բահրիկյանը ծննդով Շիրակ մարզի Ախուրյան գյուղից է:
Հիշեցնենք, որ Վահագն իր 25 զինակից ընկերների հետ գերվարվել էր 2020 թվականի նոյեմբերի 26-27 ընկած ժամանակահատվածում:
.gif)
