Չխախտելով ավանդույթը՝ ներկայացնում ենք «Ժողովուրդ» օրաթերթի տարեկան աստղագուշակը, որի միջոցով փորձել ենք կանխատեսել քաղաքական գործիչների, պաշտոնյաների քաղաքական ապագան 2024 թվականի համար:
ՀՀ Արդարադատության նախարար Գրիգոր Մինասյան- ծնված տարին՝ նապաստակ
Անցնող տարին գլխապտույտ անակնկալներով լի էր: Անսպասելի իրավիճակները, կարգավիճակի փոփոխությունը ստիպեցին վերանայել եւ վերաարժեվորել շատ բան: Բայց վրեժխնդրությունը ձեզ չի լքում, քանի որ ձեր խոցված հոգեվիճակի հաղթահարումը նապաստակներին չի հաջողվում: Ընկերական արդարադատությունն ու զույգով կառավարումը, իհարկե, վաղ թե ուժ կտա իր բացասական արձագանքը, սակայն մեծամասամբ պահպանվող գոհունակությունը կշարունակի նկատել տալ իր գոյությունը:
Բայց երկվորյակ ղեկավարի անկանխատեսել էությունը կայունության հույս չի առաջացնում: Աստղերը հուշում են այծեղջույներին լինել ավելի ճկուն, չգեներացնել թշնամություն, քանի որ ոչինչ հավերժ չէ կյանքում: Աշխատեք երկար ժամանակ հատկացնել ընտանիքին:
Եւ վերջում՝ հիշեցնենք, որ աստղերը հուշում են, բայց չեն պարտադրում
.gif)
