Ունենալու ենք անոմալ տաք և բավարար տեղումներով հունվար. Սուրենյան

Օդի ջերմաստիճանը հանրապետության ողջ տարածքում կլիմայական նորմայից կշարունակի բարձր մնալ մոտ 6–ից 8 աստիճան։ Սռաջիկա 5 օրերին տաք օդային հոսանքները չեն նահանջելու։

Հունվարին օդի ամսական միջին ջերմաստիճանը հանրապետության ողջ տարածքում կանխատեսվում է կլիմական նորմայից բարձր 3–ից 5 աստիճանով, տեղումների քանակը՝ նորմային մոտ։ Այս մասին ասուլիսում հայտարարեց Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

«Դա նշանակում է, որ մենք ունենալու ենք անոմալ տաք և բավարար տեղումներով հունվար։ Առանձին օրերին հանրապետության լեռնային մարզերում օդի ջերմաստիճանը ցերեկային ժամերին կհասնի +5-ից +9 աստիճանի, իսկ Սյունիքի հովտային գոտիներում առավելագույն ջերմաստիճանը կարող է հասնել +16–ից +20 աստիճան։ Արարատյան դաշտում և Երևանում օդի ջերմաստիճանը ցերեկային ժամերին կբարձրանա +10-ից +14 աստիճան»,–ասաց նա։