ArmLur.am-ին հասած տեղեկությունների համաձայն՝ ՊՆ ԶՈՒ ավիացիայի վարչության նախկին պետ Ավետիք Մուրադյանը կալանքից ազատվելուց հետո այսօր Հակակառուպցիոն դատարանում էր: Նրան Հակակոռուպցիոն դատարանում դիմավորեցին ՊՆ նախկին պաշտոնյաներն ու ընկերները:
Ավետիք Մուրադյանից հետաքրքրվեցինք, թե որն էր իր մեղքը, որտեղ սխալվեց, որ նրան 2 տարի կալանքի տակ պահեցին:
Նշենք, որ «անպիտան հրթիռների» քրեական գործով այս պահին կալանքի տակ է միայն Պաշտպանության նախկին նախարար Դավիթ Տոնոյանը: Մեզ հետ զրույցում Դավիթ Տոնոյանի պաշտպան Անդրանիկ Մանուկյանը հայտնեց, որ դատարան միջնորդություն է ներկայացնում Դավիթ Տոնոյանի խափանման միջոցը՝ կալանավորումը փոխելու համար։
Հիշեցնենք, որ ՀՀ պաշտպանության նախկին նախարար Դավիթ Տոնոյանը, որն անցնում է հրթիռների գործով, շարունակում է մնալ կալանքի տակ։ Դատարանները մերժում են նրա խափանման միջոցը փոխելու եւ ազատ արձակելու բոլոր միջնորդությունները։
2021 թ սեպտեմբերի 30-ից Տոնոյանը կալանավորված է, եւ գործով կալանքի տակ գտնվող ԶՈՒ գլխավոր շտաբի պետի նախկին տեղակալ Ստեփան Գալստյանը, ԶՈՒ վարչության նախկին պետ Ավետիք Մուրադյանն ազատ են արձակվել։
Այս գործով մեղադրանք է առաջադրվել նաև ԳՇ պետ Արտակ Դավթյանին:
Հիշեցնենք, որ ԱԱԾ-ն հաղորդագրություն էր տարածել, որով Դավիթ Տոնոյանը մեղադրվում է առանձնապես խոշոր չափերով՝ 2 մլրդ 277 մլն 323 հազ․ 840 դրամ գումար հափշտակելու, կեղծիքներ, հանրորեն վտանգավոր արարքներ կատարելու համար։
Քնար Մանուկյան
.gif)
