Մարդու իրավունքների պաշտպանի ներկայացուցիչները 2023 թվականի 21-ին մշտադիտական չհայտարարված այց են իրականացրել ՀՀ կրթության, գիտության և սպորտի նախարարության «Երևան երաժշտական թիվ 13 հատուկ դպրոց» ՊՈԱԿ (այսուհետև՝ նաև Դպրոց)։
Չհայտարարված այցի ընթացքում դիտարկվել են ուսուցման և դաստիրակչական գործընթացներ, ուսումնասիրվել դպրոցի տարածքը, սանիտարական և կոմունալ հարմարությունները, երեխանների խնամքի, բուժօգնության տրամադրման, սննդի կազմակերպման, աշխատակիցների, երեխանների իրավունքների և հիմնարար ազատութունների վիճակը և փաստաթղթերը, դրանց համապատասխանութունը սահմանված պահանջներին ու կիրառելի չափանիշներին։
Մարդու իրավունքների պաշտպանի պաշտոնական կայքում հրապարակված նկարներից երևում է դպրոցի անմխիթար և ոչ հիգենիկ վիճակը։
ArmLur.am-ը կապ հաստատեց հատուկ դպրոցի ժամանակավոր պաշտոնակատար Նարինե Մեհրաբյանի հետ՝ հասկանալու համար՝ ի՞նչն է դպրոցի նման վիճակի պատճառը․
«Դպրոցը ունի 80 տարվա պատմություն և այդ տարիների ընթացքում երբեք հիմնանորոգում չի եղել։ Դպրոցը այս պահին կանոնադրության կառուցվածքային փոփոխության խնդրի մեջ է, այսինքն՝ կարգավիճակի փոփոխություն պետք է լինի՝ հատուկը պետք է դառնա մասնագիտացված»։
Ներկայացուցիչների այցից հետո կառավորության կողմից կրկին արձագանք չի եղել․
«Ես որևէ ատյանից, որևէ արձագանք չեմ լսել։ Տեսչությունը հիմա այցով պիտի գա, այնտեղ վարույթ է հարուցված»,- ասաց Տիկին Մեհրաբյանը։
Դպրոցում հիմա կա 213 երեխա, ովքեր ապրում են նման պայմաններում։
.gif)
