Տարվա «ամենաքաղաքակիրթ» տոներից մեկը հիշեցնում է ամենօրյա հաղորդակցության մեջ լավ վարվելակերպի նշանակության մասին. այսօր՝ հունվարի 11-ին, նշվում է Շնորհակալության միջազգային օրը (International Thank You Day):
Երախտիքի խոսքերն ունեն հատկանիշներ, առանց որոնց մարդկանց առօրյա կյանքը կլիներ աղքատիկ և մռայլ. դրանց օգնությամբ մարդիկ միմյանց նվիրում են ուրախություն, ցուցաբերում են ուշադրություն և փոխանցում դրական զգացմունքներ:
«Շնորհակալություն» բառը՝ որ լեզվով էլ որ հնչի, ցանկացած ժողովրդի մշակույթի համար ունի առանձնահատուկ նշանակություն:
Հոգեբանների կարծիքով՝ երախտիքի խոսքերը «շոյում են», կարող են հանգստացնել զրուցակցին և ջերմացնել, եթե իհարկե հնչում են սրտի խորքից:
.gif)
