![](https://armlur.am/wp-content/uploads/2024/01/2024-01-08T213842Z_1808637182_RC2VD5AQT6PS_RTRMADP_3_ECUADOR-PRISON-pic4_zoom-1500x1500-12726.jpg)
Էկվադորի Գուայաքիլ քաղաքի բանտից 6 բանտարկյալ է փախել, նրանցից չորսը դեռ ազատության մեջ է։ Այս մասին հայտնում է «ՌԻԱ Նովոստի»-ն՝ տեղական ոստիկանությանը հղումով։
Հստակեցվում է, որ բանտարկյալներին հաջողվել է փախչել Լիտորալի բանտից։ Շրջակայքում հանցագործներին որոնելու համար իրականացվում է ցամաքային և օդային պարեկություն։
Հունվարի 9-ին հաղորդվել էր, որ Էկվադորի մի շարք բանտերում անկարգություններ են տեղի ունեցել, ՔԿ հիմնարկներից մեկում պատանդ է վերցվել 15 պահակ։ Էկվադորում հանցագործության կտրուկ աճ է նկատվում: Երկրի նախագահը արտակարգ դրություն է հայտարարել։
Մինչև հունվարի 11-ը Էկվադորի անվտանգության ուժերը ձերբակալել են գրեթե 330 մարդու և չեզոքացրել հինգ հանցագործի։