ԲՀԿ-ի հետ հանդիպելու ցանկություն միշտ էլ եղել է

Armlur.am-ի հետ զրույցում «Ժառանգության» փոխնախագահ Արմեն Մարտիրոսյանը խոսել է քաղաքական միասնական օրակարգ ստեղծելու, ինչպես նաև այլ կուսակցությունների հետ հանդիպումների մասին:

Վերջին հանրահավաքի ժամանակ Րաֆֆի Հովհաննիսյանը կոչ արեց սահմանադրական հեղափոխություն իրականացնել և ստեղծել միասնական հրապարակ: Ո՞ր ուժերն են արձագանքել այդ կոչին:

Կարծում եմ, որ արդեն կա միասնական օրակարգով իրավիճակ փոխելու գաղափարը: Բոլորն էլ ուզում են Սահմանադրական ուղիով ընթանալ: Պրն. Հովհաննիսյանի ասած «Սահմադրականությունը» նշանակում է ժողովրդին իշխանության բերելը:

Ի՞նչ է անում «Ժառանգությունը» այդ հեղափոխությունն իրականացնելու համար:

Քննարկվում է միասնական օրակարգի հարցը, որպեսզի միասնական ջանքերով այն կյանքի կոչվի: Հեղափոխությունը վերաբերում է արմատական իշխանափոխությանը:

Ո՞ր ուժերի հետ են եղել բակացություններ և քննարկումներ:

Քննարկումներ են եղել քաղաքական տարբեր շրջանակների հետ, ովքեր հրապարակային ներկայացանում են այդ հանդիպումների մանրամասները: Շարունակվում է խորհրադարանում 4-ի ֆորմատով հանդիպումներ իրականացվել:

Երեկ կայացել է «Ժառանգություն»-ԲՀԿ հանդիպումը, ով է եղել հանդիպման նախաձեռնողը:

ԲՀԿ-ի հանդիպումն երկկողմանի նախաձեռնություն է, նրանց հետ հանդիպելու ցանկություն միշտ էլ եղել է:

Իսկ կարող եք մանրամասնել, թե ինչ հարցերի շուրջ են եղել քննարկումներ:

Քննարկումներն ընթացքի մեջ են, քանի դեռ վերջնական որոշում չի եղել, թե ինչպես ենք պատկերացնում վերջնական օրակարգն իր ճանապարհային քարտեզով, ուստի չեմ կարծում, որ մանրամասների մեջ մտնելը ճիշտ է: Ըստ էության, կարևոր հարցում համաձայնություն կա. միասնական ջանքերով պետք է փորձենք երկիրն այս իրավիճակից դուրս բերել:

Ոչ իշխանական այլ ուժերի հետ նման քննարկում նախատեսվա՞ծ է:

Քննարկումներ քառյակի ֆորմատով խորհրդարանում տեղի են ունենում, և եթե առաջնորդների մակարդակով քննարկման կարիք լինի, ապա դա այլ խոսակցություն է:

Զրուցեց Լիլիթ Լալայանը