Ռուսաստանի հետ հակամարտության ընթացքում Եվրամիությունը և նրա անդամները Կիևին տրամադրել են 30 միլիարդ եվրոյի զինամթերք և զենք, ինչպես նաև պատրաստել են Ուկրաինայի զինված ուժերի գրեթե 40 հազար զինվոր։ Այս մասին El Pais թերթում հրապարակված հոդվածում հայտարարել է ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելը։
Սակայն, ըստ քաղաքական գործչի, Եվրամիությունը հաճախ չափազանց դանդաղ էր Ուկրաինային անհրաժեշտ զենք մատակարարելու հարցում և գործում էր միայն այն ժամանակ, երբ թվում էր, թե Ռուսաստանը կարող է առաջ անցնել։
Բորելը հոդվածում նշում է, որ Եվրամիությանը պարադիգմային փոփոխություն է անհրաժեշտ։ «Մենք պետք է անցնենք Ուկրաինային աջակցելուց այնքան, որքան անհրաժեշտ է, պարտավորվելու անել այն, ինչ անհրաժեշտ է նրան հաղթանակի հասնելու համար»,- գրում է Բորելը:
Մեկնաբանելով հաշտեցման կոչերը, հաշվի առնելով այն, որ Ուկրաինայի հակահարձակումը չի տվել ցանկալի արդյունքները, Բորելը գրել է, որ հաշտեցում առաջարկելու փոխարեն ԵՄ-ն պետք է կրկնապատկի իր ջանքերը:
Այս կապակցությամբ ԵՄ դիվանագիտության ղեկավարը հանդես է եկել եվրոպական արտադրական հզորությունների զգալի աճի օգտին։
.gif)
