ՌԴ նախագահը Սանկտ Պետերբուրգում հանդիպել է Ուկրաինայում պատերազմին մասնակցած ուսանողների հետ։ Վլադիմիր Պուտինը հերթական անգամ կրկնել է՝ Ռուսաստանը սկսել է ռազմական գործողությունները՝ պաշտպանելու իր շահերը: «Մոսկվան ամեն ինչ ճիշտ է անում: Հասնելու ենք մեր նպատակներին»,- պնդել է Կրեմլի ղեկավարը:
Նրա խոսքով՝ հակամարտության գոտում ռուսական կողմից ավելի քան 600 հազար մարդ կա: «Հարավում, հյուսիսում, բոլոր ուղղություններում դանդաղ առաջընթաց կա, հակագրոհները հետ են մղվում»,- հավելել է Պուտինը:
ՌԴ նախագահն անդրադարձել է օրերս Ил-76-ի կործանմանը, որը, ռուսական կողմի տվյալով, ուկրաինացի գերիների էր տեղափոխում: Ինքնաթիռի խոցման համար նա մեղադրել է Կիևին:
.gif)
