ՏԵՍԱՆՅՈՒԹ․ Բնակիչները մի քանի ժամ զրկված են եղել գազից․ վթարի ենթարկված ավտոբուսի հետևանքները

Երեկ՝ հունվարի 28-ին, ճանապարհի մերկասառույցի պատճառով «Հագեր» մակնիշի ավտոբուսը Սարի թաղի 13 փողոցում դուրս է եկել ճանապարհի երթևեկելի գոտուց, բախվել գազի խողովակին, ապա բնակիչի տան քարե պարսպին ու երկաթե ճաղավանդակին, ու ամբողջությամբ փակել ճանապարհը։

Տեղի բնակիչների խոսքով՝ դա ավտոբուսի հիմնական երթուղին չէ, այդ ճանապարհով ավտոբուսներն ավտոպարկից դուրս են գալիս հիմնական երթուղի։

Վթարի հետևանքով 13 փողոցի բնակիչները մի քանի ժամ զրկված են եղել գազից։

Բնակիչներից մեկը ArmLur.am-ի հետ զրույցում ասաց. «Աղ, որ բերեին ցանեին, տենց չէր լինի, ամբողջ ճանապարհը սառած էր, ոնց որ հայլի լիներ, սղաց գնաց խփեց»։

Հիշեցնենք, որ թիվ 13 երթուղին սպասարկում է Քանաքեռ-Սարի թաղ հատվածը։

Էմմա Մարտիրոսյան