ՀԱՄԱՍ-ի պատվիրակությունը վաղը կայցելի Կահիրե՝ քննարկելու պատանդների գործարքը

Պաղեստինյան ՀԱՄԱՍ արմատական ​​շարժման պատվիրակությունը հունվարի 31-ին կայցելի Կահիրե՝ քննարկելու Փարիզում համաձայնեցված պատանդների գործարքը։ Այս մասին հայտնում է Xinhua գործակալությունը՝ հղում անելով աղբյուրներին։

Ըստ հրապարակման՝ պատվիրակությունը կհանդիպի Եգիպտոսի գլխավոր հետախուզության տնօրինության ղեկավար Աբբաս Քամելի հետ՝ քննարկելու Գազայի հատվածում զինադադարի մասին համաձայնագիրը։

Հունվարի 28-ին AFP-ն հաղորդել է, որ ԱՄՆ ԿՀՎ տնօրեն Ուիլյամ Բերնսը Փարիզում հանդիպել է Եգիպտոսի, Իսրայելի և Կատարի ներկայացուցիչների հետ։ Իր հերթին NBC-ն հայտնել է, որ խորհրդակցության մասնակիցները համաձայնության են եկել ՀԱՄԱՍ-ի և Իսրայելի միջև նոր գործարքի մասով, որը նախատեսում է արմատականների կողմից պատանդների փուլային փոխանակում պաղեստինցի բանտարկյալների դիմաց, ռազմական գործողությունների դադարեցում և մարդասիրական օգնության մատակարարում Գազա: