Մեսսին ներողություն է խնդրել

Աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսսին չինարեն ու իսպաներեն գրառում է կատարել Weibo չինական հայտնի սոցիալական ցանցում։

«Ոսկե գնդակի» 8-ակի դափնեկիրը ներողություն է խնդրել, որ փետրվարի 4-ին չէր կարողացել մասնակցել Հոնկոնգի առաջնության բոլոր աստղերի թիմի դեմ ընկերական խաղին։ Նա նշել է, որ խաղադաշտ դուրս չի եկել վնասվածքի պատճառով և հույս է հայտնել, որ կունենա դարձյալ Հոնկոնգ մեկնելու ու երկրպագուներին իր խաղով ուրախացնելու հնարավորություն։

Հոնկոնգում կայացած խաղի ժամանակ տեղացի երկրպագուները սուլել էին «Ինտեր Մայամիին» ու Մեսսիին, որը հանդիպմանը հետևել էր պահեստայինների նստարանից։