Ադրբեջանի պետական սահմանապահ ծառայության հաղորդագրության համաձայն՝ այս գիշեր նրանք իրականացրել են «Հատուցում» գործողությունը՝ գրոհելով Հայաստանի ինքնիշխան տարածքում տեղակայված սահմանապահ դիրքը, ինչի հետևանքով երկու հայ զինծառայող է զոհվել, ևս մի քանիսը վիրավորվել են:
Այս մասին «X»-ի իր միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը՝ նշելով.
«Նախ՝ Ադրբեջանը հայտարարում է, որ հայկական կողմից կրակ է եղել, իբր վիրավոր կա, հետո հայկական կողմը հայտարարում է, որ հետաքննելու է միջադեպը, իսկ ադրբեջանական կողմը հարձակվում է և սպանում ու վիրավորում մարդկանց՝ չսպասելով որևէ հետաքննության. ցույց տալով, որ պատրաստ են հարձակման և պարզապես պատճառ են փնտրում։
Այսպիսով, ակնհայտ է, որ Ադրբեջանը չի հրաժարվում իր «ավանդական» հանցավոր, ագրեսիվ պահվածքից և նախ անզուսպ, միակողմանի, կեղծ լուրեր է տարածում, թե իբր հայկական կողմից կրակոց է եղել, ապա պատրաստի գործողություն Հայաստանի ինքնիշխան տարածքը՝ սպանելով ու խեղաթյուրելով նոր կյանքեր։
Ադրբեջանի կողմից իրականացվող հանցավոր գործողությունների այս շղթան պետք է դադարեցվի։ Միջազգային հանրությունը պետք է դատապարտի Ադրբեջանի կողմից իրականացվող ստոր ոչ հրահրված գործողությունների այս շղթան և կոչ անի Ադրբեջանին դուրս բերել իր օկուպացիոն ուժերը Հայաստանի ավելի քան 215 քառակուսի կիլոմետր ինքնիշխան տարածքից, ինչը ուժով ագրեսիա է և սադրանք Հայաստանի դեմ»։
Գրառմանը կից Մարուքյանը ընդգծել է Բլինքենին, Շառլ Միշելին, Էմանուել Մակրոնին և Ժոզեպ Բորելին:
.gif)
