ArmLur.am-ը շարունակում է շարքով ներկայացնել, թե հեղափոխությունից հետո և առաջ ինչ անշարժ գույքեր են ձեռք բերել ՔՊ-ականները։
«Քաղաքացիական պայմանագիր» խմբակցության պատգամավոր Հռիփսիմե Գրիգորյանը մինչ հեղափոխությունը բնակարան կամ որևէ անշարժ գույք չի ունեցել, սակայն 2020 թվականին՝ հեղափոխությունից հետո, բնակարան և հողամաս է նվիրատվություն ստացել Երևանի Կենտրոն վարչական շրջանում։
Հաջորդ ՔՊ-ական Գայանե Եղիազարյանը մինչ հեղափոխությունը սեփականության իրավունքով որևէ անշարժ գույք չի ունեցել, սակայն 2022 թվականին՝ հեղափոխությունից 5 տարի անց, 36 մլն դրամ արժողությամբ բնակարան է ձեռք բերել Երևան քաղաքում։
ՔՊ-ական Լիլիթ Կիրակոսյանը հեղափոխությունից առաջ և հետո անշաժ գույք չի ունեցել, համենայն դեպս այդ մասին հայտարարագրերում նշում չկա։ Սակայն հետաքրքիրն այն է, որ նա բնակվում է սեփականության իրավունքով այլ անձի պատկանող բնակարանում։
Այս շարքի 4-րդ ՔՊ-ական Սարգիս Խանդանյանը մինչ հեղափոխությունը ունեցել է մեկ բնակարան բազմաբնակարան շենքում և մեկ անհատական բնակելի տուն Գեղարքունիքի մարզի Գավառ համայնքում։ Հեղափոխությունից հետո Խանդանյանը հիփոթեքով բնակարան է գնել, որի մայր գումարի մնացորդը հաշվետու տարվա դեկտեմբերի 31-ի դրությամբ կազմել է 21 մլն դրամ։
Նիկոլ Փաշինյանի հետ քավոր-սանիկական կապի մեջ գտնվող Վահե Ղալումյանը հեղափոխությունից առաջ ուներ մեկ անհատական բնակելի տուն և հողամաս Տավուշի մարզի Իջևան քաղաքում։ Հեղափոխությունից հետո Ղալումյանը Երևանի Արաբկիր վարչական շրջանում բազմաբնակարան շենքում հիփոթեքով բնակարան է ձեռք բերել, որի մայր գումարի մնացորդը հաշվետու տարվա դեկտեմբերի 31-ի դրությամբ կազմել է 27 մլն դրամ։
Մանրամասները՝ տեսանյութում:
Էմմա Միքայելյան
.gif)
