Ադրբեջանի ԱԳ նախարարը հայտնել է Հայաստանի պատվիրակության հետ հնարավոր հանդիպման մասին

Ադրբեջանի արտաքին գործերի նախարար Ջեյհուն Բայրամովը հայտարարել է, որ առաջիկա օրերին տեղի կունենա Ադրբեջանի և Հայաստանի պատվիրակությունների հանդիպումը։

«Մյունխենում տեղի է ունեցել հանդիպում Ադրբեջանի նախագահի և Հայաստանի վարչապետի միջև, որից հետո որոշվել է վերսկսել գործընթացը, մոտ ապագայում նախատեսվում են դեմ առ դեմ բանակցություններ հայկական պատվիրակության հետ՝ խաղաղության պայմանագիրը քննարկելու նպատակով»,- Ջեյհուն Բայրամովի խոսքերն են մեջբերում ադրբեջանական լրատվամիջոցները: