Թուրքիան Ստամբուլում պատրաստ է կրկին ընդունել Ռուսաստան-Ուկրաինա բանակցությունները, չորեքշաբթի հայտարարել է Թուրքիայի նախագահ Ռեջեփ Թայիփ Էրդողանը։
Թուրք առաջնորդը հիշեցրել է, որ Անկարան հանդես է գալիս Ուկրաինայի տարածքային ամբողջականության օգտին և ջանքեր է գործադրում «Ղրիմի թաթարների իրավունքներն ու շահերը պաշտպանելու համար», և Թուրքիան նույնպես պատրաստ է նպաստել Ուկրաինայի վերականգնմանը։
«Ես այն կարծիքին եմ, որ պետք է հնարավորություն տրվի ապահովել դիվանագիտություն և երկխոսություն, որ պատերազմն ավարտվի արդար և կայուն խաղաղությամբ: Այս նպատակին հասնելու համար չափազանց կարևոր է օգտագործել բոլոր տեսակի դիվանագիտական ուղիներն ամենաբարձր մակարդակով: Նվազագույնը, ես կարծում եմ, որ անհրաժեշտ է սկսել միասին աշխատել խաղաղության ընդհանուր պարամետրերի սահմանման ուղղությամբ: Այս առումով՝ մենք սկզբունքորեն աջակցում ենք Զելենսկու տասը կետից բաղկացած խաղաղության ծրագրին»,- ասել է Էրդողանը։
.gif)
