«Պատերազմի իրական վտանգ կա»

Ուկրաինայի նախագահի պաշտոնակատար Ալեքսանդր Տուրչինովը ստորագրել է զորահավաքի մասին հրամանագիր. հայտնում է Украинская правда-ն:

Նա, դիմելով ուկրաինացիներին, ասել է. «Ուկրաինայի իշխանությունները կանեն ամեն ինչ, որ ՌԴ հետ կոնֆլիկտը լուծվի դիվանագիտական ճանապարհով, սակայն պատերազմի վտանգը մեծ է և տեսանելի: Այդ պատճառով ես ստորագրել եմ մասնակի զորահավաքի մասին հրամանագիրը` խորհրդարանի որոշմամբ»։

Տուրչինովը նշել է, որ Ուկրաինան պատրաստ է պաշտպանել իր ամբողջականությունը:

Հիշեցնենք, որ մարտի 16-ին Ղրիմում կայացած հանրաքվեի արդյունքում ղրիմցիների 96.77%-ը կողմ էր արտահայտվել Ռուսաստանին միանալուն։