ՏԵՍԱՆՅՈՒԹ․ «Մեկը գա քո երեխեքի տունը քանդի, քեզ գցի քուչեքը, ի՞նչ կանես». Կոնդի օտարման հետքերով

Երևանի սրտում գտնվող ամենահին թաղամասը՝ կոլորիտային Կոնդն ավագանու որոշմամբ ամբողջությամբ օտարվելու է՝ նոր քաղաքաշինական ծրագիր իրականացնելու նպատակով:

Կոնդ թաղամասի բնակիչներն իրենց տների սահմանների ճշգրտման և հողհատկացման հիմքերի վերականգնման աշխատանքներից հետո սեփականության նոր վկայական ստանալու համար պետք է վճարեն սահմանված կադաստրային արժեքի 2 տոկոսի չափով:

Կադաստրային արժեք է համարվելու 139 000 և 214 000 դրամը` ըստ գոտիավորման։

Երևանի ավագանու այս որոշումն իրարանցում է առաջացրել Կոնդի բնակիչների շրջանում. անորոշ վիճակում են, ասում են՝ չեն պատրաստվում լքել իրենց տները՝ մինչև իրենց գոհացնող չափով փոխատուցում տան:

Կոնդի բնակիչների համար կապահովվի փոխհատուցում՝ տան շուկայական արժեք + 15% սկզբունքով:

Նշենք, որ Երևանի ավագանու ընդդիմադիր անդամներն օրեր առաջ եղել են Կոնդում ու հանդիպել բնակիչների հետ:

Հիշեցնենք, որ Կոնդ թաղամասի վերակառուցման համար մրցույթ է հայտարարվել դեռ 2021 թ-ին, իսկ 2023թ-ին Տիգրան Ավինյանն հայտարարել էր, որ Կոնդի վերակառուցման` «Երևաննախագիծ» ընկերության և Լիոնի քաղաքապետարանի ծրագիրն արդեն գործնական փուլ է մտել։

Մանրամասները՝ տեսանյութում:

Քրիստինա Մուշեղյան, Հովսեփ Հովսեփյան