Ճանաչողական այցով Վանաձորի բժշկական կենտրոն է այցելել Հայաստանում Ֆրանսիայի արտակարգ և լիազոր դեսպան Օլիվյե Դեկոտինյին:
Այս մասին հայտնում են ԲԿ-ից:
Դեսպանին հյուրընկալել է Վանաձորի բժշկական կենտրոնի տնօրեն Վահագն Մկրտչյանը: Տնօրենի աշխատասենյակում հյուրերը նախ առանձնազրույց են ունեցել, այնուհետ շրջել բժշկական կենտրոնում գործող՝ «Ազնավուր» հիմնադրամի և Ֆրանսիայի կառավարության օժանդակությամբ և ջանքերով ստեղծված վերականգնողական կենտրոնում:
Վահագն Մկրտչյանը դեսպանին է ներկայացրել բժշկական կենտրոնի հնարավորությունները, խոսել սպասվելիք ձեռքբերումների ու ծրագրերի մասին:
Դեսպան Օլիվյե Դեկոտինյին իր հերթին շնորհակալություն է հայտնել ջերմ հյուրընկալության համար՝ նշելով, որ պատրաստակամ են շարունակել համագործակցությունը բժշկական կենտրոնի հետ:
Տարածաշրջանում եզակի, բազմաֆունկցիոնալ նորագույն սարքավորումներով հագեցված Վանաձորի բժշկական կենտրոնի ֆիզիոթերապիայի եւ վերականգնողական բժշկության բաժանմունքը տարեկան սպասարկում է վերականգնողական բուժման կարիք ունեցող 300-350 քաղաքացիների:
.gif)
