Տեղի է ունեցել անհիմն բացառում, Թուրքիան պատրաստ է ԱՄՆ-ի հետ քննարկել F-35-ի ծրագրին վերադարձը. Ֆիդան

Թուրքիան պատրաստ է ԱՄՆ-ի հետ քննարկել F-35 կործանիչների ծրագրին վերադարձը, Անկարան անհիմն է համարում դրանից դուրս մնալը:

Այս մասին հայտարարել է Թուրքիայի արտգործնախարար Հաքան Ֆիդանը։

«2017 թվականին Թուրքիան պայմանագիր է կնքել Ռուսաստանի հետ Ս-400 գնդի լրակազմի մատակարարման համար, որը ստացել է 2019 թվականի ամառ-աշունը։ Միաժամանակ ԱՄՆ-ը պահանջում էր հրաժարվել ռուսական համակարգերից՝ հօգուտ Patriot-ի, սակայն Անկարան չհամաձայնեց դրան։ Որպես պատիժ՝ Վաշինգտոնը Թուրքիային բացառեց F-35 կործանիչների մատակարարման ծրագրից և պատժամիջոցներ սահմանեց պաշտպանական արդյունաբերության առաջնորդների դեմ՝ համաձայն CAATSA (Պատժամիջոցների միջոցով Ամերիկայի հակառակորդների դեմ պայքարի) ակտի։

Միացյալ Նահանգները չեղյալ հայտարարեց Թուրքիայի հետ F-35-ի համատեղ հուշագիրը՝ ստորագրելով այն F-35 նախագծում մնացած յոթ գործընկերների՝ Մեծ Բրիտանիայի, Իտալիայի, Նիդեռլանդների, Ավստրալիայի, Դանիայի, Կանադայի և Նորվեգիայի հետ:

Ինչ վերաբերում է F-35-ին, ապա, ինչպես գիտեք, մենք մաս ենք կազմել այս ծրագրին, և դրանից հետո տեղի է ունեցել անհիմն բացառում՝ որպես պատրվակ օգտագործելով Ս-400-ի հետ կապված խնդիրները։ Մենք կրկին մնում ենք մեր դիրքորոշմանը, այսինքն՝ վճարում կա, որ կատարել ենք և ինքնաթիռներ կան, որ պետք է գնենք։ Իհարկե, Թուրքիան միշտ պատրաստ է լայն և բաց քննարկելու այդ հարցերը։ Այն փուլում, որին հասել ենք, մենք իսկապես հավատում ենք, որ կարող ենք այս հարցերը քննարկել տարբեր տեսանկյուններից։ Մենք կարծում ենք, որ Ամերիկան նույնպես պետք է բաց լինի այս հարցում, և մենք կարող ենք կարծիքներ փոխանակել»,- ասել է Ֆիդանը։