Ազատության հրապարակում արցախցիները հանրահավաք են անելու. օրը հայտնի է

Armlur.am-ի տեղեկությունների համաձայն՝ մարտի 20-ին Ազատության հրապարակում արցախցիները հանրահավաք են հրավիրելու:

Ըստ մեր աղբյուրների՝ արցախցիների օրակարգում իրենց բնակարանային խնդիրն է` հայրենի իշխանություններից պահանջելու են հարցին լուծում տալ:

Մեր տեղեկություններով՝ արցախցիների համար անհայտ է մնում նաև այն հարցը, թե ինչպես է լուծվելու իրենց տրվող սոցիալական աջակցության խնդիրը, քանի որ ապրիլի 1-ին այն ավարտվելու է:

Armlur.am-ի աղբյուրները փոխանցում են, որ արցախցիները գրություն են ուղարկել Երևանի քաղաքապետարան և իրազեկել հանրահավաքի լինելու մասին:

Նշենք, որ հանարահավաքը քաղաքական բնույթի չի լինելու, այն կազմակերպել են արցախցի պահեստազորային սպանները:

Սոնա Գրիգորյան