Կառավարության յուրաքանչյուր նիստի օրը գյուտարար, հավերժական շարժիչի հեղինակ Հենրիկ Մխիթարյանը իր բողոքի ձայնն է բարձրացնում ` կոչ անելով հրաժարվել նոր ատոմակայանի կառուցումից, քանի որ կարելի է անսպառ այլընտրանքային էներգիա ստանալու համար լեռնային արագահոս գետերի ջուրն օգտագործել:
Armlur.am լրատվականի թղթակիցը պրն Մխիթարյանից հետաքրքրվեց ` արդեն երկար ժամանակ է նա պայքարում է, որ իր առաջարկն օգտագործեն իշխանությունները, սակայն արդյունք չկա:
Գյուտարարն իր առաջարկները չօգտագործելը համարեց նախանձի դրսևորում: «Նախանձից մեռնում են: Ակադեմիայում տվել եմ թղթերը»,- ասաց Մխիթարյանը: Նրա կողքին կանգնած մի այլ քաղաքացի էլ ասաց. «Արդյունքը կլինի այն ժամանակ, երբ երկիրը խելոք մարդիկ ղեկավարեն, ոչ թե էշերը»:
Գյուտարարն ասաց, որ Արցախում հիդրոէլեկտրակայաններ են կառուցում: «Ես գնալու եմ այնտեղ, որ իմ ասած ձևով կառուցեն, 100 – ավոր ատոմայականի էլեկտրաէներգիա կստանանք»,-ասաց գյուտարարը:
.gif)
