Մարտի 15-ին ձերբակալված Շիրակի մարզպետարանի Քաղաքաշինության վարչության պետ Խաչատուր Խնձրցյանն ու նույն բաժնի ավագ մասնագետը կալանավորվել են:
Այս մասին ArmLur.am-ին հայտնեցին Հակակոռուպցիոն կոմիտեից:
Նրանց մեղադրանք է առաջադրվել կաշառք ստանալու համար։
Վարույթի շրջանակներում ձերբակալվել էին նաև ենթադրյալ կաշառք տվողները։ Նրանցից մեկի նկատմամբ տնային կալանք է կիրառվել, մյուսի նկատմամբ՝ երկրից չհեռանալու մասին արգելք։
Հիշեցնենք, որ ArmLur.am-ը գրել էր, որ Հակակոռուպցիոն կոմիտեում քննվող վարույթի շրջանակում ձերբակալվել է 4 անձ, որոնցից 2-ը Շիրակի մարզպետարանի պաշտոնատար անձինք են։ Վերջիններս ձերբակալվել են կաշառք ստանալու մեղադրանքով։
.gif)
