«Հայփոստ» ՓԲԸ-ում խախտումների դարաշրջան է․ որքան է տուգանվել և ինչ համար

ՔՊ-ականների և նրանց կանանց հանգրվան «Հայփոստ» ՓԲԸ-ում աղաղակող խախտումների դարաշրջան է սկսվել։

ՊԵԿ-ը կրկին տուգանել է «Հայփոստ»-ին։ Երբեմնի օրինապահ, բոլորիս հայտնի «Հայփոստ» ՓԲԸ-ն աստիճանաբար ընկղմվել է ստվերային գործունեության մեջ և յուրաքանչյուր ամիս տուգանվում է։

Այս անգամ՝ ՀԴՄ կտրոնների չտրամադրման համար կանոնների խախտման պատճառով «Հայփոստ»-ը տուգանվել է 2 միլիոն 600 հազար դրամ և անկանխիկ գործառնություններ իրականացնելու համար` 400 հազար դրամ խախտումների պատճառով։

Դժբախտ հիմնարկը, ըստ ամենայնի, ՔՊ-ականների և նրանց կանանց աստղաբաշխական աշխատավարձը ապահովելու համար ամբողջությամբ անցել է հարկման ստվերային ռեժիմի։

Հավելենք, որ աջուձախ, բոլորին օրինապահության դասեր տվող Նիկոլ Փաշինյանի կառավարության ենթակայությամբ է գործում Հայփոստ ՓԲԸ-ն։

ArmLur.am-ը կապվեց «Հայփոստ» ՓԲԸ-ի խոսնակ Գևորգ Աբրահամյանի հետ, ով խնդրեց մանրամասներ ստանալու համար հարցերը գրավոր ուղարկել։

ԿԱՐԴԱՑԵՔ ՆԱԵՎ

Նման նյութեր