ՏԵՍԱՆՅՈՒԹ․ Կիսագրագետ և գրպանային բուսաբանների ձեռամբ առողջ ծառերը հատվում են. Վիկտոր Մնացականյան

1 հոգի որոշում է համայն հայության մայրաքաղաքի ծառերը կտրել կամ պահպանել: Արդեն 4 օր է, ինչ Երեւանի կենտրոնում ծառերի սպանդ է ու դիմադրում են միայն մի քանի անհատներ կամ Երեւանի ավագանու եզակի անդամներ:

ArmLur.am-ը զրուցեց քաղաքային պլանավորման մասնագետ Վիկտոր Մնացականյանի հետ, ով մեզ փաստացի ցույց տվեց, թե հին, փարթամ ծառերին ինչ ծառերով են փոխարինել եւ ինչ է սպասվում երեւանցիներին ամռանը:

Վիկտոր Մնացականյանի հետ ArmLur.am-ը շրջայց կատարեց ծառահատված Թումանյան փողոցում՝ հետաքրքրվելով, թե ինչպես են վերաբերվում բիզնեսի ներկայացուցիչները իրենց մայթերից անհետացած մեծ ու փարթամ ծառերի ջարդին: Պարզվեց, որ անտարբերությունն ավելի մեծ էր:

Բարեբախտաբար կային նաեւ բիզնեսի ներկայացուցիչներ, որոնք իրենց ցասումն արտահայտեցին, սակայն նրանք բացառություններ էին:

Հանդիպեցինք նաեւ քաղաքացիների, որոնք իրենց դժգոհությունն արտահայտեցին ծառերի ջարդի առիթով:

Ահա այսպես, ժողովրդավարական հռչակված երկրում միանձյա որոշմամբ իշխանությունը՝ Արմեն Բեգոյանի ձեռամբ, վերացնում է Երեւանի ինքնությունը, ձեռագիրը եւ պատմությունը:

Մանրամասները՝ տեսանյութում։

Աննա Սրապիոնյան, Հովսեփ Հովսեփյան