Ռուսաստանի և Ադրբեջանի փոխարտգործնախարարներ Միխայիլ Գալուզինը և Էլնուր Մամեդովը քննարկել են երկկողմ հարաբերությունների և Բաքվի ու Երևանի միջև հարաբերությունների կարգավորման հեռանկարները։ Այս մասին ասվում է ՌԴ դիվանագիտական գերատեսչության հաղորդագրության մեջ՝ Մոսկվայում կայացած հանդիպման արդյունքներով։
«Ըստ էության դիտարկվել են ռուս-ադրբեջանական հարաբերությունների վիճակն ու հեռանկարները, քննարկվել են Ռուսաստանի Դաշնության և Ադրբեջանի Հանրապետության 2022 թվականի փետրվարի 22-ի դաշնակցային փոխգործակցության մասին հռչակագրի դրույթների իրականացման հետագա համատեղ քայլերը»,-նշված է հաղորդագրության մեջ։
Գալուզինը և Մամեդովն անդրադարձել են «տարածաշրջանային և միջազգային մի շարք թեմաների, այդ թվում՝ Հարավային Կովկասում իրադրության ներկա վիճակին և հայ-ադրբեջանական հարաբերությունների կարգավորման հեռանկարներին՝ հիմնված Ադրբեջանի, Հայաստանի և Ռուսաստանի ղեկավարների միջև եռակողմ համաձայնագրերի վրա»։
.gif)
