Ովքեր են ցանկանում գնալ ՄԻԵԴ, հայտնի են թեկնածուները. անուններ

Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրության հանձնաժողովը (այսուհետ՝ Հանձնաժողով), հիմք ընդունելով Հայաստանի Հանրապետության Վարչապետի 2023 թվականի օգոստոսի 31-ի № 882-Ա որոշման 28-րդ կետը, հաստատել է Մարդու իրավունքների եվրոպական դատարանի (այսուհետ՝ Եվրոպական դատարան) դատավորի պաշտոնում Հայաստանի Հանրապետության կողմից առաջադրվող թեկնածուների՝ փաստաթղթային ստուգման արդյունքներով ընտրության հարցազրույցի փուլ անցած հավակնորդների (այսուհետ` Հավակնորդներ) ցուցակը հետևյալ կազմով․

1․ Ալումյան Հայկ
2․ Գրիգորյան Լիզա
3․ Գրիգորյան Վահե
4․ Կարապետյան Նորա
5․ Մազմանյան Արմեն
6․ Մարգարյան Աննա
7․ Քոչարյան Վիգեն։

Հարցազրույցը կանցկացվի 2024 թվականի ապրիլի 4-ին՝ ժամը 14։00-ից և ապրիլի 5-ին՝ ժամը 10։00-ից, Հայաստանի Հանրապետության Վճռաբեկ դատարանի վարչական շենքում։

Նկատենք որ թեկնածուներից մեկը ՍԴ դատավոր Վահե Գրիգորյանն է, մյուս թեկնածուն ԲԴԽ անդամ Վիգեն Քոչարյանն է: Հաջորդ թեկնածուն հայտնի փաստաբան Հայկ Ալումյանն է, մյուսը՝ Վճռաբեկ դատարանի դատավոր, որ նաև ՔՊ-ական պատգամավոր Հերիքնազ Տիգրանյանի մոտ ընկերուհի, Լիզա Գրիգորյանն է:

Քնար Մանուկյան