ՆԱՏՕ-ն մտադիր չէ մարտական ստորաբաժանումներ ուղարկել Ուկրաինա, հայտարարել է դաշինքի գլխավոր քարտուղար Յենս Սթոլթենբերգը լեհական հեռուստատեսության եթերում։
Ավելի վաղ ԱՄՆ Պետդեպարտամենտի խորհրդատու Էդվարդ Լութվակը UnHerd ինտերնետային պորտալի համար հոդվածում ասել էր, որ ՆԱՏՕ-ն ստիպված կլինի զորքեր ուղարկել Ուկրաինա, քանի որ Կիևը չունի բավարար ռազմական անձնակազմ, այլապես դաշինքը ստիպված կլինի ընդունել «աղետալի պարտությունը»։
Նրա խոսքով՝ Բրիտանիան, Ֆրանսիան, ինչպես նաև Հյուսիսային Եվրոպայի երկրներն արդեն գաղտնի պատրաստվում են զորքեր ուղարկել։
«Մենք մտադիր չենք որևէ մարտական ստորաբաժանում ուղարկել Ուկրաինա»,- ասել է Սթոլթենբերգը։
Միաժամանակ նա կոչ է արել ուժեղացնել Ուկրաինային զենքի մատակարարումը։
«ՆԱՏՕ-ի դաշնակիցները զգալի ռազմական աջակցություն են ուղարկում Ուկրաինային, մենք պետք է ակտիվացնենք այն և ավելի շատ փոխանցենք, հատկապես հակաօդային պաշտպանության համակարգեր», – ասել է ՆԱՏՕ-ի գլխավոր քարտուղարը։
.gif)
