Ինչ վարկած է քննվում 4 զինվորի կյանքից զրկած ՊՆ «Ուրալ»-ի վթարի դեպքով. վարորդը աղմուկ է բարձրացրել՝ «տղեք արգելակները չեն աշխատում».սկսվել է խառնաշփոթ

Armlur.am-ի բացառիկ տեղեկությունների համաձայն՝ ՊՆ «Ուրալ»-ի վթարի դեպքով այս պահին քննվում է մեկ վարկած, որ «Ուրալ» մեքենայի արգելակները չեն աշխատել։

Մեզ հասած լուրերի համաձայն՝ վարորդը աղմուկ է բարձրացրել, որ արգելակները չեն աշխատում։

«Ուրալ»-ում սկսվել է խառնաշփոթ ու արդյունքում մեքենան վթարի է ենթարկվել։

Այս պահին իրավապահները դեռ չեն հարցաքննել վիրավորներին, քանի որ նրանք այն վիճակում չեն գտնվում, որ կարողանան դեպքը նկարագրել:

Նշենք,որ Armlur.am-ի ձեռքում է հայտնվել ՊՆ «Ուրալ»-ի վթարի լուսանկարները ,որը 4 զինվորի կյանք խլեց։ 20 զինվոր տարբեր մարմնական վնասվասվածքներով հիվնդանոցում են։

Գրել էինք,որ ArmLur.am-ին հասած բացառիկ տեղեկությունների համաձայն՝ Սյունիքի մարզում «Ուրալ»-ի վթարի հետեւանքով մահացած 4 անձինք ժամկետային զինծառայողներ են։

Քնչական կոմիտեն էլ հայտնել էր, որ ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենայի վթարման, դրա հետևանքով 4 զինծառայողների մահվան և մի շարք զինծառայողների տարբեր աստիճանների վնասվածքներ ստանալու դեպքի առթիվ ՀՀ քննչական կոմիտեի զինվորական քննչական գլխավոր վարչության 9-րդ կայազորային քննչական բաժնում ՀՀ քրեական օրենսգրքի 538-րդ հոդվածի 4-րդ մասի (Մարտական, հատուկ կամ տրանսպորտային մեքենա վարելու կամ շահագործելու կանոն խախտելը, որն անզգուշությամբ առաջացրել է երկու կամ ավելի անձանց մահ) հատկանիշներով նախաձեռնվել է քրեական վարույթ։ Այս մասին հայտնում են Քննչական կոմիտեից:

«Ձևավորվել է քննչական խումբ և իրականացվում է նախաքննություն ողբերգական ելքով դեպքի ամբողջական հանգամանքները, վթարի պատճառները պարզելու նպատակով։ Այս պահին քննիչներն իրականացնում են առաջնային քննչական և վարութային գործողություններ, այդ թվում կատարում են դեպքի վայրի և վթարված ավտոմեքենայի զննություն։ ՀՀ քննչական կոմիտեն քննության արդյունքների վերաբերյալ հընթացս հանդես կգա հաղորդագրություններով։ Հորդորում ենք զերծ մնալ չճշտված տեղեկություններ հրապարակելուց»,- ասված է ՔԿ հայտարարության մեջ։

Քնար Մանուկյան