Armlur.am լրատվականի թղթակիցն այսօր ՀԺԿ վարչության քարտուղար Գրիգոր Հարությունյանից հետաքրքրվեց ` արդյոք Ստեփան Դեմիրճյանի անսպասելի հանդիպումը ԲՀԿ ղեկավար Գագիկ Ծառուկյանի հետ ՀԱԿ-ից առանձին գործելու միտում ունի:
Մեր զրուցակիցը տեղեկացրեց, որ չի կարծում, թե ՀԺԿ-ի այս քայլը ՀԱԿ-ը կհամարի որպես առանձին և ինքնուրույն գործելու քայլ:
Արդյոք ՀԺԿ-ը կարող է դառնալ 5-րդ կողմը ` լրացնելով ԱԺ չորս ոչ իշխանական ուժերի շարքը:
«ՀԺԿ-ն այսօր ՀԱԿ խմբակցության անդամ է, նա չի կարող 5-րդը դառնալ»,- ասաց ՀԺԿ վարչության քարտուղարը ` հավելելով, որ ՀԺԿ-ը կարող է մեկ ուրիշ կուսակցության հետ հանդիպել, և ինքն այդ առումով որևէ խնդիր չի տեսնում:
.gif)
