Ինչպես հայտնում է «Կովկաս օնլայնը» մարտի վերջին հավանաբար կկայանա Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը:
Այս մասին հայտարարել է Հայաստանի Անվտանգության խորհրդի քարտուղար Արթուր Բաղդասարյանը:
«Մարտի 23-25-ին նախատեսվում է Հայաստանի և Ադրբեջանի նախարարների հանդիպումը: Հայաստանը շարունակում է հանդես գալ ղարաբաղյան հակամարտության խաղաղ կարգավորման օգտին փոխադարձ զիջումների հիման վրա», – ասել է Բաղդասարյանը:
«ՆԱՏՕ-ն և Հարավային Կովկասը. Ռազմավարական մոտեցում տարածաշրջանային անվտանգությանը» խորագրով միջազգային կոնֆերանսին ԱԽ քարտուղարը նշել է նաև, որ «Գնդակը Ադրբեջանի կիսադաշտում է, քանի որ ձեռք բերված համաձայնությունները չեն ստանում հետագա զարգացումը»:
«Անվտանգ և կայուն տարածաշրջանը կարևոր է ոչ միայն ՆԱՏՕ-ի, այլև ողջ քաղաքակիրթ հանրության համար», – ասել է Ա.Բաղդասարյանը:
.gif)
