Հարվածներ են հասցվել Իրաքում գտնվող իրանյան թիրախներին

Օդային հարձակման են ենթարկվել իրաքյան իրանամետ «Ալ-Հաշդ աշ-Շաաբի» խմբավորման հրամանատարական շտաբը և իրաքյան բանակի զրահատանկային շտաբը։

Իսլամական հեղափոխության պահապանների կորպուսից հայտնել են, որ Իրաքում իրանամետ ուժերի վրա հարձակում Իսրայելի պատասխանն է իրաքյան դիմադրության վերջին հարձակումների։

Իրաքի լրատվամիջոցները, վկայակոչելով երկրի անվտանգության ծառայությունների աղբյուրները, իրենց հերթին, հայտնել են, որ օդային հարձակման ենթարկված Կալսո բազան «Ալ-Հաշդ աշ-Շաաբի» խմբավորման և Իրաքի դաշնային ոստիկանության համատեղ բազան է։ Ռազմական բազան գտնվում է Բաղդադի մոտակայքում։