ՏԵՍԱՆՅՈՒԹ․ Պաշտոնից ազատված Պրոբացիայի նախկին ղեկավարը դատի է տվել Արդարադատության նախարարությանը․ ինչ է պահանջում

ArmLur.am-ին հասած տեղեկությունների համաձայն՝ Պրոբացիայի ծառայության նախկին ղեկավար Գևորգ Սիմոնյանը դատի է տվել արդարադատության նախարարությանը։

Նա վարչական դատարանի իր հայցով պահանջում է  պարտավորացնել 07.02.2024թ-ից սկսած հայցվորին երկարամյա ծառայության զինվորական կենսաթոշակ նշանակելու վերաբերյալ բարենպաստ վարչական ակտ ընդունելուն։

Նշենք, որ 2023 թվականի սեպտեմբերի 13-ին Վարչապետ Նիկոլ Փաշինյանը որոշում էր ստորագրել, որում նշվում է․
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Գևորգ Սիմոնյանին 2023 թվականի սեպտեմբերի 15-ից ազատել պրոբացիայի ծառայության պետի պաշտոնից»։

Նշենք, որ Արդարադատության նախարար Գրիգոր Մինասյանի առաջարկությամբ և վարչապետ Նիկոլ Փաշինյանի համաձայնությամբ՝ Գևորգ Սիմոնյանը 2023 թվականի հունվարին էր նշանակվել Պրոբացիայի ծառայության ղեկավար:

Մանրամասները՝ տեսանյութում։

Քնար Մանուկյան