Արցախի
Հանրապետության
Նախագահ
Բակո
Սահակյանը
նոյեմբերի 16-ին ժամանել է Նյու Յորք: Նույն
օրը
Նախագահը
հանդիպում
է ունեցել
Հայ
բարեգործական
ընդհանուր
միության (ՀԲԸՄ) նախագահ Պերճ Սեդրակյանի եւ կազմակերպության կենտրոնական վարչության անդամների հետ: Հանդիպմանը քննարկվել են Արցախում տարբեր ծրագրերի իրականացման հետ կապված հարցեր: Նախագահ
Սահակյանը
նշել
է,
որ
ՀԲԸՄ-ն շոշափելի
դերակատարություն է ունեցել
մեր
հանրապետության
զարգացման
գործում, եւ այսօր էլ զգացվում է Արցախի կենսագործունեության տարբեր ոլորտներին նրա աջակցության անհրաժեշտությունը: Միեւնույն ժամանակ երկրի ղեկավարն ընդգծել է, որ անհրաժեշտ է նոր որակ հաղորդել կազմակերպության գործունեությանը Արցախում: Հանդիպմանը
մասնակցում
էին
Հայ
Առաքելական
եկեղեցու
Արցախի
թեմի
առաջնորդ
Պարգեւ
արքեպիսկոպոս
Մարտիրոսյանը, Հայ Առաքելական եկեղեցու ԱՄՆ արեւելյան թեմի առաջնորդ Խաժակ արքեպիսկոպոս Բարսամյանը, ԱՄՆ-ում ՀՀ արտակարգ եւ լիազոր դեսպան Թաթուլ Մարգարյանը, ՄԱԿ-ում ՀՀ մշտական ներկայացուցիչ Կարեն Նազարյանը, ԼՂՀ Նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում եւ Կանադայում ԼՂՀ մշտական ներկայացուցիչ Ռոբերտ Ավետիսյանը, պաշտոնատար այլ անձինք: Տեղեկացնում են Արցախի նախագահի մամլո ծառայությունից:
.gif)
