Մայր Աթոռ Սուրբ Էջմիածնի հրատարակչությունը լույս է ընծայել Դավիթ
Քերթմենճյանի «Համադրական ուսումնասիրություն Մայր Աթոռ Ս. Էջմիածնի կառուցապատման
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի գահակալության տարիներին
(1999-2011թթ.)» աշխատությունը: «Կառուցյալ հավատով» ընդհանուր վերնագրի ներքո
ուսումնասիրությունը հրատարակության է հանձնվել Գերագույն Հոգևոր Խորհրդի կողմից: Գրքի առաջին մասում հեղինակն անդրադարձ է
կատարում մինչև Վեհափառ Հայրապետի գահակալությունը Մայր Աթոռ Սուրբ Էջմիածնում
իրականացված կառուցապատման գործերին:
Երկրորդ
հատվածը ներկայացնում է Նորին Սրբության գահակալության շրջանում կատարված
իրագործումները` Մայր Աթոռ Սուրբ Էջմիածնի նորակառույց եկեղեցիները, ապա
նորակառույց եկեղեցական, կրթական, վարչահասարակական, մշակութային շենքերը,
պատմական կառույցների նորոգությունները, ինչպես նաև Մայր Աթոռի ճարտարապետական
միջավայրի տարածական կազմակերպումն ու օժանդակ կառույցները: Գրքի վերջին` երրորդ բաժնում ներկայացված
են Մայր Աթոռ Ս. Էջմիածնի և նշանավոր եկեղեցական կենտրոնների ու համալիրների
զուգահեռները:
.gif)
