Իսրայելը վճռական է անելու «այն ամենն, ինչ անհրաժեշտ է»՝ Գազայի հատվածում արմատական պաղեստինյան ՀԱՄԱՍ շարժմանը հաղթելու համար, ներառյալ ռազմական գործողությունը Ռաֆահ քաղաքում: Այս դիրքորոշումը հաստատել է հրեական պետության վարչապետ Բենիամին Նեթանյահուն։
«Մենք անելու ենք ամեն հնարավոր բան հաղթելու մեր թշնամուն, այդ թվում՝ Ռաֆահում»,- ասել է նա։
Վարչապետի հայտարարությունը տարածել է նրա գրասենյակը։
Առավոտյան Թել Ավիվում հերթական հակակառավարական ցույցն է տեղի ունեցել՝ պահանջով անհապաղ ազատ արձակել Գազայի հատվածում պահվող պատանդներին։ Ցույցի մասնակիցները պահանջում էին, ի թիվս այլ բաների, հրաժարվել Ռաֆահ զորք ուղարկելու ծրագրերից:
.gif)
