ՏԵՍԱՆՅՈՒԹ․ Մեկ ճանապարհ կա՝ իշխանափոխություն.որքան ուշ այն տեղի ունենա, այնքան բարդ կլինի վերականգնել կորցրածը.Արցախի ԱԳ նախկին նախարար

Հանրապետության հրապարակում մեկնարկել է «Տավուշը հանուն հայրենիքի» շարժման առաջնորդ Բագրատ Սրբազանի հրավիրած հանրահավաքը։

ArmLur.am-ը գրել էր, որ Կառավարության շենքի 4 կողմերում ոստիկանական ուժեր են կուտակվում։ Նրանք վահաններով «պատ» կազմեցին։ Բերվել են նաև սևբերետավորներ։

ArmLur.am-ը Հանրապետության հրապարակում զրուցել է Արցախի ԱԳՆ նախկին նախարար Կարեն Միրզոյանի հետ՝ շարժման ակնկալիքներից։

Նշենք, որ այսօր առավոտից Հանրապետության հրապարակից քաղաքացիները Բագրատ Սրբազանի առաջնորդությամբ քայլերթ են սկսել դեպի տարբեր բուհեր։ Բուհերից խմբերով ուսանողներ էին միանում Բագրատ Սրբազանին։ Բագրատ Սրբազանը կարճ ժամանակով կանգ էր առնում բուհերի մոտ, կոչ անում ուսանողներին՝ միանալ իրենց շարժմանը և թույլ չտալ հայրենիքի կորուստ։ Իրենք եղել են ԵՊՀ-ի, Պոլիտեխնիկի, Բրյուսովի, Ագրարային համալսարանի, Կոնսերվատորիայի մոտ։ Ընդ որում Բագրատ Սրբազանը կարճ ժամանակով մտել է Կոնսերվատորիա, հնչեցրել իր կոչը և դուրս եկել։

Մանրամասները՝ տեսանյութում։

Քրիստինա Մուշեղյան, Հովսեփ Հովսեփյան