ՏԵՍԱՆՅՈՒԹ. Թբիլիսիում կենտրոնական փողոցներով երթ է ընթանում՝ ընդդեմ օտարերկրյա գործակալների մասին օրենքի

Մի քանի հազար մարդ միաժամանակ երթ է անցկացրել Թբիլիսիում մի քանի փողոցներով՝ ի նշան օտարերկրյա գործակալների մասին օրենքի ընդունման դեմ բողոքի։

Ընդդիմության կազմակերպած երթը սկսվել է տեղական ժամանակով ժամը 19:00-ին երեք վայրերից՝ Վրաստանի խորհրդարանին հարող Առաջին Հանրապետության հրապարակից, Մարջանիշվիլիի հրապարակից, որը նույնպես գտնվում է կենտրոնում, և մետրոյի 300 Արագվինցև կայարանից, որը գտնվում է մայրաքաղաքի կենտրոնից դուրս։ Մարջանիշվիլիի հրապարակում նրանց է միացել մարդկանց ևս մեկ մեծ խումբ։ Ակցիայի բոլոր մասնակիցներն ուղղվել են դեպի Եվրոպայի հրապարակ:

Վրաստանի խորհրդարանը մայիսի 1-ին երկրորդ ընթերցմամբ ընդունել է «Օտարերկրյա ազդեցության թափանցիկության մասին» օրենքի նախագիծը։ Նրա դեմ են արտահայտվել նախագահ Սալոմե Զուրաբիշվիլին, ընդդիմությունը, արեւմտյան դիվանագետները։ ԱՄՆ Պետդեպարտամենտը հայտարարել է, որ օրինագծի նպատակը երկրի ակտիվ քաղաքացիական հասարակությանը խաթարելն է։

Ապրիլի 15-ից Թբիլիսիում ընդդիմությունն ու քաղաքացիական ակտիվիստները ցույցեր են անցկացնում՝ ընդդեմ օտարերկրյա գործակալների մասին օրենքի ընդունման։