Շենքի տանիքի կառուցատարրերն ու մետաղյա թիթեղը թուլացել, կախվել են

Մայիսի 13-ին՝ ժամը 10:12-ին, Ճգնաժամային կառավարման ազգային կենտրոն ահազանգ է ստացվել, որ Երևանի Մաշտոցի պողոտայի թիվ 7 շենքի 6-րդ հարկի մակարդակում գտնվող երեսպատման սալիկները թուլացել են՝ առկա է ընկնելու վտանգ․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ շենքի տանիքից թուլացել և կախվել են կառուցատարրեր և մետաղյա թիթեղ (մոտ 3 քմ):

Փրկարարները հեռացրել են թիթեղը և կառուցատարրերը։