ՏԵՍԱՆՅՈՒԹ․ «Նիկոլ դավաճան» վանկարկումներով Կոպենհագենում քաղաքացիները «դիմավորել» են Փաշինյանին

Աշխատանքային այցով Դանիայի թագավորություն մեկնած Նիկոլ Փաշինյանն այնքան էլ լավ ընդունելության չի արժանացել տեղի հայերի կողմից։

Թելեգրամի ալիքներում տարածված տեսանյութի համաձայն, հայ համայնքի մի քանի ներկայացուցիչներ պիկետ են իրականացրել՝ նշելով, որ Փաշինյանը ստախոս է, գաղափար չունի, թե ինչ է ժողովրդավարությունը։

«Մի հավատացեք այն ամենին, ինչ նա պատրաստվում է պատմել ձեզ։ Նա ստախոս է։ Հայաստանում չկա ժողովրդավարություն»,-նշել են ակցիայի մասնակիցները, որոնց ձեռքին եղել են Հայաստանի ուր Արցախի դրոշները։

Նրանք պահանջել են Նիկոլ Փաշինյանի հրաժարականը։

Պիկետի մասնակիցները նշել են, որ Փաշինյանը չի ներկայացնում Հայաստանի ժողովրդին, քանի որ հայրենիքում նրա հրաժարականն են պահանջում։

Մանրամասները՝ տեսանյութում։