Չնայած նրան, որ վաղ առավոտից մայրաքաղաքում իրականացվում են բողոքի և անհնազանդության ակցիաներ, այսօր՝ մայիսի 15-ին «Տավուշը հանուն հայրենիքի» նախաձեռնությունը Երևանի 4 տարբեր կողմերից շարժվելու է դեպի Ալեքսանդր Սպենդիարյանի անվան օպերայի և բալետի ազգային ակադեմիական թատրոն։
Օպերա գնալու նպատակը կայանում է նրանում, որ այսօր ՀՀ վարչապետ Նիկոլ Փաշինյանը ժամը 17։00-ին մասնակցելու է միջոցառման, որը կայանալու է EBRD միջազգային ֆորումի շրջանակներում։
Երեկ երեկոյան Տավուշի թեմի առաջնորդ Բագրատ Սրբազանը հայտնեց, որ գնալով Օպերայի բակ՝ այդպիսով կհայտնեն իրենց քաղաքացիական խաղաղ անհամաձայնությունը։
Այսպիսով, այսօր ժամը 15։30-ին ակցիային մասնակցել ցանկացող անձինք հավաքվելու են մայրաքաղաքի 4 կողմերում․
Սարյանի անվան այգում, Երևանի Կոմիտասի անվան պետական Կոնսերվատիրայի դիմացի այգում, Սուրբ Աննա եկեղեցու բակում և Հյուսիսային պողոտայի բանալիի մոտ։
Մանրամասները՝ տեսանյութում։
.gif)
